صحيفة نبض الشعب الاسبوعيه رئيس التحرير جعفر الخابوري

كان لك معايا أجمل حكايه في العمر كله !!

❈-❈-❈

منار بعد ما ودت تيا في الكيدز ايريا رجعت و قعدت علي تربيزة هاديه منتظرة وصول المجهول .. ومفيش خمس دقايق ولاقت اللي بيقعد قدامها

_ هاي يا قمر ... اتاخرت عليكي ؟ ولا ايه

ختم كلامة بغمزة وهي أول ما عينيها وقعت عليه تنحت ... كان شاب باين عليه في الثلاثينات وسيم جدا وعينبة خضرا لبسه شيك ومهندم باين عليه أنه غني أو مرتاح ماديا

منار ابتسمت بإعجاب واضح اتعمدت تظهره :
هاي يا صياد .. تؤ تؤ متأخرتش ولا حاجة اتفضل

الصياد
طالما اتقابلنا وجها لوجه بقا يبقي تقوليلي يا فريد بلاش الصياد دي

منار بدلع
إنت إسمك فريد ... مممم إسم على مسمي فعلاً

فريد ضحك بصوت عالي
والله إنك مش سهله أبداً يا منار

منار ضحكت
ليه بس دا أنا غلبانة أوي أوي إنت بس اللي متعرفنيش كويس يا فري

لسه فريد هيرد ... اتفاجاؤ هما الاتنين بصوت من ورا منار بيقول
لا لا لا مسمحلكيش تدلعي جوزي كدا إنتي فكراه زي الرجاله الهبله اللي بتجري وراكي ولا إيه

منار لفت بصدمة كانت الست اتحركت بهدوء وقعدت جمب فريد وحطت إيدها علي كتفه واتكلمت بثقة

إيه ... مصدومة صح ؟ هههههههههههههههه خيالك المريض في ثانيه خلاكي تفكري إنك توقعيه ويبقي ضمن الليستة الطويلة اللي عندك مش كدة ؟ تؤ تؤ تؤ يا حرام يا فريد بجد شكلها صعبان عليا أوي بص مصدومة إزاي يا بيبي

فريد ضحك
كفايه يا تونا متبقيش شريرة أوي كدا يا قلبي

منار بغضب
أنا عايزة أفهم إيه اللي بيحصل هنا بالظبط ؟

فريد كشر
لا بقولك إيه صوتك ما يعلاش وما تنسيش نفسك

فاتن
خلصنا بقى يا فريد من الفيلم ده عشان أنا بجد زهقت وورايا شوبينج كتير عايزة أخلصه

فريد
ها يا منار الفلوس جاهزه ولا لا ؟ أديكي شايفه بنفسك أننا مش فاضيين

منار بغضب
مش قبل ما أفهم إنت مين وعرفتني منين ومين اللي زقك عليا وبعدين هديك الفلوس اللي إنت عايزاها

فريد
هو إنتي ليه مش قادره تصدقي إن إنتي مش في موضع قوه ليه مش قادره تصدقي إن أنا بإشارة مني أفضحك في الدنيا كلها فتتلمي بقى وتسمعي الكلام وتطلعي الفلوس وإنتي ساكته خالص

منار ضحكت
إنت اللي ما تعرفنيش كويس ما تعرفش إن منار عندها حل لأي مشكله بتقع فيها ما بيهمنيش .. فيا تقول لي إنت مين وعرفتني إزاي وتاخد فلوسك وفوقيهم بوسه كمان يا إما هقوم وأخد بنتي واتكل على الله أمشي

فاتن بسخريه
لا يا حبيبتي البوسه دي خليها لك

منار بسخريه مماثلة
والله يا عسل أنا ما وجهتلكيش إنتي أي كلام

فاتن بلويه وش
شوف إزاي

منار
ها هتقول ولا أمشي

فريد
بصي يا منار رغم إن إنتي فعلاً مش في موضع قوه ورغم إن كل اللي إنتي قلتيه دا ولا يدخل في ذمتي ب بصلة حتى الا إني هريحك عشان أنا عارفك فضوليه أوي ... أنا مين قلت لك أنا الصياد .... عرفتك منين من على مواقع الشات اللي إنتي بتخشي عليها عشان تصطادي الشباب اللي بتكلميهم ... عايز منك إيه أكيد يعني باين إنها عمليه ابتزاز وإن أنا عايز منك فلوس مقابل إن أنا اسكت وما اطلعش الداتا اللي معايا ... أما بقى الداتا اللي معايا وصلت لي إزاي فدا لأن أنا هكر يامنار هكر وهي دي شغلنتي أخش على الستات اللي زيك واقلب منهم قرشين وتونه حبيبتي تخش على الرجاله زي اللي بيكلموكي وبرده نهددهم بالحاجات اللي معانا وناخد منهم قرشين مقابل إنهم ميتفضحوش قدام مراتتهم ... ها جوابتك كده ؟

منار كشرت
ده إنتم عصابه بقى

فاتن ببتسامة
اه يا حبيبتي إحنا عصابه بقى ... فين بقى الفلوس عشان نخلص

منار بصت لها بغضب وطلعت الفلوس من شنطتها وحطيتها على الترابيزه فريد خد الشنطه بتاعه الفلوس فتحها بص فيها واداها لتونا اللي حطيتها في شنطتها ورجع بص لمنار واتكلم

فريد
تمام كده يا منار قبل ما أمشي أصل في حته صغيره أنا ماقلتلكيش عليها هي إن بجانب إن دا شغلي أنا عندي هوايه كدا بعد ما بخلص الشغلانه لازم أنقذ الهوايه دي فاستعدي النهارده بالليل عشان المفاجاه هتعجبك أوي

قام وقف هو وفاتن بس منار شدت ايد فريد وقالت له
استنى هنا يا جدع إنت أنا مابحبش المفاجأت ... مفاجئت إيه اللي هتستناني النهارده بالليل إنت بعد ما أخذت الفلوس عايز تخلع وتدبسني في حاجه ما اعرفهاش ولا إيه

فاتن شالت ايديها اللي ماسكه بيها ايد فريد واتكلمت بكل غضب

فاتن
هو أنا مش قلت لك ما لكيش دعوه بيه ولا هو إنتي إيه لا ليكي حاكم ولا رابط ولا حد مالي عينك ماتتلمي يا وليه إنتي

منار بغضب
ولولو عليكي ساعه وسكتوا يابعيده أنا مش همشي من هنا غير لما أعرف إنتم مخططين لإيه بالضبط

فريد وهو بيبص لساعته
قلت لك دي مفاجأه وهتعجبك أوي ما تقلقيش خلال ساعتين بالظبط هتكون حصلت يلا بقى الحقي روحي إنتي وبنتك عشان تبقي قاعده في إستعداد للمفاجأة اللي هتجيلك

منار لسه هتتكلم تاني بس كان فريد شد ايديه من ايديها بسرعه وقوه وخد فاتن ومشيوا من المكان

https://lm.facebook.com/l.php?u=https%3A%2F%2Frewaiyawhekaya.blogspot.com%2F2023%2F05%2Fkedelnsaa.comp.html%3Ffbclid%3DIwAR0YfND-BfBzcY6U_9JRZSd9Gst8hlfWzdFFJWKDNgNAycMD-P4hla2YtVk&h=AT1tLudtuXzdap0Xz__OGstyOmoBHt6CLRwgXUwAS6EaLRd0h-jNZdhJYhPrQsVRDtCBLui1bLJxTGOJPNQD1OfCuhKawMm5PZNq8-rRVViTaYAglcLOjXgCGYWlbNeL-NOn